鳳園餐廳

Open Now

Now Closed

有日禮拜，人在元郎山貝村，周圍都唔覺有嘢食。工業村禮拜無鋪頭開，最近要行返過去西鐵站。見到呢間唔太貴，地方闊落又有冷氣，即管一試啦。當時係食晏晝飯時間嘅尾聲，有得任裝嘅例湯已清晒。唔想食飯，就叫個雞扒麵加可樂，共$47。大約10分鐘上桌，公仔麵個湯底好似冇乜落到味粉，只係得咸味。還好啲麵無烚過火，依然有咬口。驚喜嘅係雞扒，有5大塊而每塊都有摺埋嘅tempo 紙巾咁大，煎得熱辣辣又多汁。雖然呢餐要近$50 ，呢塊扒都值得嘅。