陳師傅自製點心專門店

Open Now

Now Closed

行過呢間點心鋪，見到份入面裝修好靚，同埋係自家制點心，所以入去飲吓夜茶。金牌蝦餃皇皮好簿，食落個皮好煙韌，入面d蝦都幾足料，原隻大蝦，爽口彈牙。魚子燒賣皇幾大粒，食落豬肉幾爽口，加埋d魚子，有脆卜卜口感，唔錯。炸蜆芥鯪魚球炸得好靚，粒粒都大大粒，食落爽口，冇魚腥味，點埋d蜆芥醬勁惹味。煎蔥花蝦米腸煎得啱啱好，唔會太燶太油膩，外面脆卜卜，入面軟淋淋，點埋d醬，一流。沙律明蝦角炸得外皮好鬆脆，入面有大蝦同西芹碎，增加香味，點埋沙律醬一齊食，好味。沙嗲墨魚仔非常惹味，個沙嗲汁好出色，d墨魚仔都幾大隻，都好爽口，而下面有大量粉絲墊底，吸晒d醬汁，幾好食。