Read full review
2019-01-14
341 views
URBAN Cafe Commune旺角太子道西193號新世紀廣場1樓121及181號舖URBAN 3小時慢烤肥雞 (1/2) $258聖誕流流食西餐 得個festive dinner menu選擇不過早已預左黎食雞 網上幾好評 所以黎到選擇不變 只係變左個full set包沙律或湯, 主菜, 飲品同甜品咁 整體比起平日應該貴少少好在個餐有質素 main course已經有沙律菜等做side dish 所以頭盤要左龍蝦湯 幾好飲下 然後黎既凍桃茶都ok既 相對清淡 個人覺得未至於劣評 茶底有啲似烏龍茶果種淡 好既係唔會過甜最期待既主菜上枱! 係燒雞呀! 我真係無幾可原隻雞咁食 正確黎講係半隻 不過size絶對唔少野 份量對女士黎講就算share食都要挑戰下先食得哂 燒雞咁肉感咁heavy 最怕肉質鞋身韌口 好在呢份雞肉又真係幾嫩口 唔怪得網上話好多人叫 另一個重點係燒得好掂下 實物比餐牌更加吸引 燒到金黃既皮唔可以放過 難得係我又唔覺好油膩 唔知落咩配料 又香又入味 堅推介!主角雞雞咁出色 美中不足係伴碟無平時既粗薯 轉左做栗子燒紫薯甘荀 沙律菜依舊 配黑醋汁唔錯既 特別食完隻heav
旺角太子道西193號新世紀廣場1樓121及181號舖
URBAN 3小時慢烤肥雞 (1/2) $258
聖誕流流食西餐 得個festive dinner menu選擇
不過早已預左黎食雞 網上幾好評 所以黎到選擇不變 只係變左個full set包沙律或湯, 主菜, 飲品同甜品咁 整體比起平日應該貴少少
好在個餐有質素 main course已經有沙律菜等做side dish 所以頭盤要左龍蝦湯 幾好飲下 然後黎既凍桃茶都ok既 相對清淡 個人覺得未至於劣評 茶底有啲似烏龍茶果種淡 好既係唔會過甜
最期待既主菜上枱! 係燒雞呀! 我真係無幾可原隻雞咁食 正確黎講係半隻 不過size絶對唔少野 份量對女士黎講就算share食都要挑戰下先食得哂 燒雞咁肉感咁heavy 最怕肉質鞋身韌口 好在呢份雞肉又真係幾嫩口 唔怪得網上話好多人叫 另一個重點係燒得好掂下 實物比餐牌更加吸引 燒到金黃既皮唔可以放過 難得係我又唔覺好油膩 唔知落咩配料 又香又入味 堅推介!
主角雞雞咁出色 美中不足係伴碟無平時既粗薯 轉左做栗子燒紫薯甘荀 沙律菜依舊 配黑醋汁唔錯既 特別食完隻heavy雞 不過栗子我就覺得麻麻 一黎唔太脆身 二黎同道菜唔係好夾 如果有得揀一定要返粗薯 無左薯條仲上茄汁我都唔知應該落係邊好
抵讚一下係聖誕餐都無點逼人頭消費 只要order一個set就ok 始終佢份set既份量真係夠2人食
Green Tea The Hulk
跟餐既甜品都令人相當滿意 事實入餐廳必經門口既蛋糕櫃 好幾款都好想試 是次揀左綠茶口味
初初以為跟餐甜品通常都係迷你啲 點知又真係原件蛋糕上 我覺得真係要試下 而且價錢又唔貴
講返件綠茶cake 大家都知綠茶口味本身都幾出下 件蛋糕食落幾有層次 用既cream亦都唔會over 食完無咩罪惡感 反而有少少意猶未夠 可惜眼闊肚窄 唯有下次先試幾他味
Post
