下午兩點九黎到，拎籌等咗陣，都唔駛十分鐘。佢嘅賣點係黃店，其次係台灣嘢🤣所以就黎幫襯喇～
服務員好有禮貌，雖然我知佢地手快快撳咗我嘅籌number，但其實當時又未有位，但佢地都有解釋返同有禮貌地請我哋稍等多陣👍
原本見佢有下午茶，但心血來潮，諗住等佢哋有得賺多一蚊得一蚊🤗所以叫咗兩個午餐，加一個午市追加🤭
午餐一) 鹽酥雞便當： 有三款台式配菜，鹽酥雞同滷肉飯； 無論滷肉定飯都可以加量，不另收費😛；鹽酥雞係一口size, 鹽酥雞調味粉自己隨心加減👍配合自己口味， 雞肉嫩嫩，炸漿唔黐牙👍🤤正👍如果可以多多一兩粒就更好了🤤； 三款菜式配菜 (菜脯，鹵蛋，麵筋 )味道平衡得好好，唔甜，唔咸，唔酸，但各有自身嘅滷味🤤🤤🤤第一次食哂便當啲配菜，一粒都無淨🤭 滷肉飯有配合返香港人嘅口味🤭唔會太油🤤🤤🤤。
午餐二) 麻辣牛肉麵 ，半碗牛肉😬大佬丫...你地會唔會蝕到入肉㗎... 牛肉夠淋，無牙婆婆都食到，但又唔會一夾就碎哂🤭不過就未夠入哂味，繼續努力😚麵質適中😆配合麻辣湯底好好食😋仲加多少少自家製辣醬😋正👍
追加) 黃金泡菜， 開頭諗咗好耐係咩呢，菜單上就寫話係帶酸嘅泡菜， 嘩！叫完之後好驚艷😍 係有熱情果汁底嘅泡菜，少少酸，超醒胃！ 單係呢一個前菜，已經令到我哋覺得可以再返啅！
套餐有配飲品，我哋都嗌咗台式熱奶茶 with no sugar! 奶味香，唔會係奶精味。
總結：一定要再去幫襯試食埋其他嘢！ 唔返啅的話絕對會走寶！
＃自費 ＃不是業配文
＃SamsungNote20相機直出 ＃黃
1
