點知果日打極電話都無人聽喎，有無位都應下機啦
有無搞錯，跟住諗住去到walk in啦
又話要等一個鐘
咁見算啦
見靚女姐姐都好好態度
走左去隔離食手1988算
今次我朋友終於book到
打完風翌日星期一去食
應該因為打風勁多位啦
唔駛book都得喎
跟住入到去，靚女姐姐話要自己去收銀果到落單
好奇怪囉
一間cafe，要人坐低左再自己落單
兩個姐姐又係度unun腳
好啦
我同fd去收銀同我同事講左要乜餐乜餐之後
靚女姐姐問要分開比定點
咁咪話分開比囉
跟住有個女仔
仲要個頭好油
突然之間搶住部收銀機：分開比要分開落單架！咁你講多次要咩啦！
我心諗，分開找咪得囉，點解要分開落單？？？
完全唔明囉
跟住我咪講要b餐，然後想講要乜茶
個豬豬地女仔搶住話，比左錢先！
真係態度好到呢
跟住到我fd比錢，大大力關部收銀機，真係嚇親
好似得罪左佢全家咁
真係o嘴
老細要你打風後一日返工姐
駛唔駛態度咁差
人地靚女姐姐夠返工啦，咁唔想返咪唔好返囉
咁對個客真係搞笑
果陣個場咁靜，費事當場咩返你渣
講返d野食先，真係勁唔抵食
一個set 80幾蚊
個意粉得兩啖
仲要無乜明太子味
不過至少無食到我個胃唔舒服咁
相反我fd個咖哩飯就大份得滯
不過個飯都真係幾普通
仲要杯茶完全無味
真係唔知咩糖漬茶
總括而言，不可一不可再
果位員工真係唔該再培圳下
如果佢唔係老細
請呢間餐廳老細真係好好諗下自己請d咩人黎趕客
最後比個like位靚女姐姐
