Read full review
2023-02-20
1095 views
從來都唔會寫食評，今次第覺得真係不吐不快。成日都想來試呢間私房菜館食晚飯，加上朋友熟客介紹，今次專登預早book位同加拿大番嚟度假嘅屋企人去試，重提早揸車過海去九龍城搵位泊。滿心期待，點知每食一道菜，中伏嘅感覺就越來越強烈，最後決定快快脆脆食咗六道菜cut loss走人- 招牌貴妃醬蟶子皇（$28兩）：唔惹味冇鑊氣之餘，個聖子重要唔熱，同夥計反映，攞返入去翻炒，超冇癮- 咕嚕肉：份量少，個汁唔夠酸甜，得個脆字，唔多食到肉味又薄- 柑桔蜜蝦餅: 蝦膠算唔錯，彈牙，但係個汁似韓國柚子蜜,同蝦餅唔多夾- 沙薑雞半隻（$268): 賣相完全唔吸引，切到歪歪斜斜，肉質又乾，難聽啲講好似隔夜咁。食到碟底唔知點解見到一舊好似煲過湯嘅金華火腿碎，仲要發現雞翼上面有條頭髮，呢個價錢唔太合理。- 豉油王豬扒：肉質好差，好奇怪，霖到不得了。完全唔似食緊豬肉， 唔知係咪鬆肉粉嘅威力。- 豉汁煎釀三寶：冇特別，只係用咗蝦膠。最後一行六人再去清真牛肉館食過晚餐補返満足😋奉勸如果唔係熟客，請有心理準備😓
- 招牌貴妃醬蟶子皇（$28兩）：唔惹味冇鑊氣之餘，個聖子重要唔熱，同夥計反映，攞返入去翻炒，超冇癮
- 咕嚕肉：份量少，個汁唔夠酸甜，得個脆字，唔多食到肉味又薄
- 柑桔蜜蝦餅: 蝦膠算唔錯，彈牙，但係個汁似韓國柚子蜜,同蝦餅唔多夾
- 沙薑雞半隻（$268): 賣相完全唔吸引，切到歪歪斜斜，肉質又乾，難聽啲講好似隔夜咁。食到碟底唔知點解見到一舊好似煲過湯嘅金華火腿碎，仲要發現雞翼上面有條頭髮，呢個價錢唔太合理。
- 豉油王豬扒：肉質好差，好奇怪，霖到不得了。完全唔似食緊豬肉， 唔知係咪鬆肉粉嘅威力。
- 豉汁煎釀三寶：冇特別，只係用咗蝦膠。
最後一行六人再去清真牛肉館食過晚餐補返満足😋
奉勸如果唔係熟客，請有心理準備😓
Post
