San Ka La

懲罰原因: 參與罷市
店名係好多識講唔識寫既「山卡啦」正字。雖然個名叫山旮旯，但其實響銅鑼灣近新伊館，唔算好辟但又的確遠離左人群。

跑馬射蚊鬚

店內有五隻大字霓虹燈「跑馬射蚊鬚」，好舊式香港俚語，意思係難度非常高。另外牆上還有香港街道油畫，感覺好本土。（不過成晚都播緊國語歌XD）

獅子山下。好檸夠薑

獅子山下 $78（Happy Hour價）呢杯啤酒個名已經充滿香港情懷。果味濃郁易入口
好檸夠薑 $88係杯Cocktail，有威士忌，青檸，薑，橙汁，Bitter。好似離開悉尼之後無飲過Bitter，加埋薑味幾特別，好飲喎！

泰式拼盤

$158

前菜小食點了泰式拼盤 $158，有炸豬頸肉條，蝦餅，串燒，炸雞翼（依喜愛序排）炸豬頸肉條乾脆可口，蝦餅厚肉，雞牛豬串燒無乜特別但沙爹醬好食，雞翼有點乾身。

香脆椒鹽魷魚

$68

另外點了網民推介香脆椒鹽魷魚 $68堅無介紹錯。酥脆彈牙，唔會厚粉或者無肉食！讚！

1

德國烤焗脆皮豬手

$188

德國烤焗脆皮豬手 $188好大份，塊皮好脆，但有少少硬，肉身唔會好韌，配個蜜糖芥末醬好好味。