皇仁書院舊生會﹝中菜部﹞

Open Now

Now Closed

😛回頭度：8/10😛-終於堂食食到皇仁書院舊生會 (中菜部），聽講係打咗好多次電話先book到，真係想食都有啲難度😂我哋揀咗「金玉滿堂宴」，每席$7,780～套餐包括有：• 糖桂花餞美國桶蠔• 翡翠鴿片花枝蚌仁• 原隻鮑魚佛跳牆• 柚皮生扣鵝掌• 椒鹽陳皮中蝦• 大海斑兩味：雲耳腿茸蒸斑球、薑蔥煎焗頭腩• 脆皮炸子雞• 生炒臘味糯米飯• 蝦子雜菌伊麵• 腰果露湯圓• 合時生果盆-除咗「原隻鮑魚佛跳牆」非常足料出色外，個人覺得「薑蔥煎焗頭腩」、「蝦子雜菌伊麵」特別出色！👍🏻👍🏻焗頭腩好夠火喉，焗得好香，調味亦調得好好，仲要冇乜骨，9成都係肉嚟👍🏻；而看似普通嘅伊麵就竟然係全晚最驚艷到我嘅菜式，冇諗過伊麵都可以整得咁彈牙，可以話係我咁多年嚟食過最出色嘅炆伊麵！😍👍🏻而當中「翡翠鴿片花枝蚌仁」同「椒鹽陳皮中蝦」我就覺得比較一般...前者調味鹹咗少少，炒嘅豆又唔夠爽脆；後者個調味就帶甜嘅，唔太啱我口味🙈🙈