Read full review
2020-03-26
8859 views
疫情期間，應該減少外出聚餐，不過兩個人就算唔出街食都會一齊食咖啦，唔好一大班人同唔好去太迫人既地方食都應該安全既，所以今日我地去左尖沙咀呢間鼎王麻辣鍋食個late lunch。午飯時間都避埋，應該安全啦！不過其實我想講大家一啲都唔需要擔心，因為呢間鼎王麻辣鍋既職員既衛生防護措施真係做得好足！首先，去到門口，職員會幫我地量體溫，然後再用酒精搓手液搓手。入到去坐低之後，職員會俾張印有鼎王麻辣鍋既褶紙俾我地包住個口罩，放好口罩之後，佢地又再會拎埋支酒精搓手液俾我地再搓手。到佢地講解完點用部ipad點菜後，佢地會係我地面前消毒部ipad，令人感到佢地真係嚴謹到一個點。餐牌方面選擇貴精不貴多，每個種類有啲野㨂，個人覺得可以接受，始終黎得呢度食就係想重質素，想食湯底同靚野食多過有一大堆選擇但樣樣都普普通通。所以選擇相對地比出面火鍋店少亦都係十分合理。湯底有三個選擇，酸菜白肉、麻辣或者鴛鴦鍋，好明顯係一定會叫鴛鴦鍋，而個鍋本身仲可以俾我地㨂酸度、辣度、少油等等。起初我地㨂左小酸小辣少油，食落覺得唔夠力度，好彩醉同辣都可以之後再加番。個人覺得酸菜白肉要起碼中酸先夠，而麻辣就因人而異，我覺得如果你係有食
不過其實我想講大家一啲都唔需要擔心，因為呢間鼎王麻辣鍋既職員既衛生防護措施真係做得好足！首先，去到門口，職員會幫我地量體溫，然後再用酒精搓手液搓手。入到去坐低之後，職員會俾張印有鼎王麻辣鍋既褶紙俾我地包住個口罩，放好口罩之後，佢地又再會拎埋支酒精搓手液俾我地再搓手。到佢地講解完點用部ipad點菜後，佢地會係我地面前消毒部ipad，令人感到佢地真係嚴謹到一個點。
餐牌方面選擇貴精不貴多，每個種類有啲野㨂，個人覺得可以接受，始終黎得呢度食就係想重質素，想食湯底同靚野食多過有一大堆選擇但樣樣都普普通通。所以選擇相對地比出面火鍋店少亦都係十分合理。
68 views
0 likes
0 comments
湯底有三個選擇，酸菜白肉、麻辣或者鴛鴦鍋，好明顯係一定會叫鴛鴦鍋，而個鍋本身仲可以俾我地㨂酸度、辣度、少油等等。起初我地㨂左小酸小辣少油，食落覺得唔夠力度，好彩醉同辣都可以之後再加番。個人覺得酸菜白肉要起碼中酸先夠，而麻辣就因人而異，我覺得如果你係有食下辣野但又唔敢話人知你食得辣既，就可以由中辣開始。湯底白肉不能任添，酸菜同鴨血就可以任添。
上選牛小排
$298
104 views
1 likes
0 comments
首先講下個上選牛小排。上菜賣相好整齊，食落牛味重，唔錯唔錯，但因為湯底味較濃，靚牛我覺得最好用酸菜白肉個邊煮，煮完唔好點醬油食，牛味係最突出。
五花去骨鮮牛
$188
74 views
0 likes
0 comments
五花去骨鮮牛都出乎意料地ok。當然，一定係一分錢一分貨，牛味點都無上選牛小排咁重，牛肉紋理都無咁靚，但唔會係出去食超平任食火鍋個種食落無味既牛，我覺得從性格比黎睇呢個係不錯既選擇。
滷蜂巢牛肚
$98
73 views
1 likes
0 comments
滷水項其實有幾個選擇，不過我地只係㨂左呢個滷蜂巢牛肚。滷水味道適中，入味，唔會太咸，牛肚爽口彈牙，正常表現。放入麻辣鍋煮下再食更正。
桂花蚌
$188
45 views
0 likes
0 comments
海鮮方面我地只係叫左桂花蚌。海鮮都新鮮，正正常常，好味既，不過無大驚喜。
一品蟹滑膏
$108
66 views
0 likes
0 comments
呢個一品蟹滑膏就十分ok！蟹滑在一般店舖好少見，食落有蟹味，值得一試。
38 views
0 likes
0 comments
兩個人食黎講我覺得係叫多左少少，我地食量中等偏大食，大家如果係細食就自己就住叫喇，不過我地都食得晒咖，無做大嘥鬼。
醬料方面極之簡潔，好明顯係對湯底同食材極有信心。呢個我認同既，因為我都無乜點點醬料。有分麻辣沾醬同酸菜沾醬（即係腐乳），再加啲香菜（即係芫茜）同蔥。另外如果想食飯，呢度白飯係任添的，飯煲放左係醬料區。值得一提，平時啲舖頭醬料區係無遮無掩，但呢度係全部都有蓋，而且都好乾淨，整齊企理。
餐桌非常闊落，亦有公共餐具使用，十分整潔衛生。餐桌仲有usb頭可供叉電，如果無帶線仲可以問職員借。
服務方面我覺得係好到嚇親，太有禮貌令人感到有點不好意思，講解場地十分清楚，介紹食品煮食時間和食法也很細心，仲提我地用筷子夾鴨血有機會夾斷彈到自己添！佢地仲超主動加鴨血加酸菜，我地細細聲講唔夠辣同酸時，個姐姐可能估到我地講緊乜，就立即飄過黎問使唔使加辣加酸！十分體貼！到埋左單出門外，佢地仲有啲僻味既噴霧俾你噴下。呢個年代係好少可有咁優服務質素既餐廳！十個讚！
三得利生啤
$96
43 views
0 likes
0 comments
最後打邊爐梗係唔少得啤酒啦，整番杯Suntory draft stout先～
Post
