都明白而家疫情關係，餐廳需要十點關門。但八點四十分叫人last order? 早成一個鐘頭十五分鐘？
平時出去任食火鍋last order 都係最多早一個鐘啦...早甘多真係第一次聽... 可能我哋真係太孤陋寡聞。九點三十分開始收野 ，明白ge 疫情關係要趕住十點關門，但都唔洗問都唔問就收左我個杯... 入面仲有半杯竹庶茅根水.... 我地有朋友生日有買到蛋糕，訂位時餐廳都表明有切餅費$50，我地都表示了解並同意。到當晚提早黎到餐飯放底蛋糕，侍應都再次提醒有切餅費，我地都表示沒問題。九點鐘埋單，當時並冇留意收據有冇收取切餅費，到九點四十分上蛋糕，侍應行黎話要收返五十蚊，張單冇打到個切餅費。我地都表示沒問題， 當我地食完蛋糕都冇侍應過黎比單我地收返切餅費，只係見到剛剛話表示要收切餅費企埋一邊玩手機。 直到我哋起身離開， 個侍應繼續玩住手機講你地未比切餅費。其實我地係同意比切餅費，但你一直都冇行黎比返張單行黎同我哋收取切餅費。我哋表明立場冇話唔比但你哋一直都唔行過黎，只係見你企係到玩手機。侍應竟然回覆甘你而家想點？ 其實真係冇咩想點，係想比錢離開喱間甘低劣ge 餐廳。
食物選擇真係偏少，份量都偏少....$68四塊午餐肉... 真係唔講以為係黑毛豬午餐肉....
個麻辣海帶絲完全冇味...
喱個價錢值得更好質素....睇返其他食評先知，原來佢地真係好趕時間收工架，慣性態度差劣趕客走。
以上事件並唔係單一員工，起碼超過五位員工態度都係甘差劣，完全反映公司管理有嚴重問題。絕對不推薦喱間餐廳
