平時經過餐廳門口，見到的原來只是部份座位，當侍應帶我們入去坐，才知內裡轉角還有一間有十幾廿個座位嘅大房。
餐廳嘅set lunch餐牌都好多選擇，共有11款，有沙律、有包、有pasta、有飯、有扒等等，雞牛豬魚素食都有。Set lunch包括餐湯或沙律及餐飲。我們選了安格斯牛肉漢堡包&香煎盲曹蟹肉意大利飯。個牛肉漢堡肉質不錯，亦有牛味，如果個黑炭包再軟一點點就好喇。個意大利飯亦不錯，魚煎得表面香脆。
見到其他枱有客人叫了雞胸雜菌意粉和澳洲穀飼肉眼扒，賣相都吸引（隔離飯香🤭），尤其個肉眼扒，好大塊，估計我們兩個女仔，可能要一份都夠食。
餐廳都陸續有客人嚟食晏，好彩亦陸續有人食完埋單，我們才可以無壓力要交枱。亦可能環境清靜，客人大多不會高談闊論，就算餐廳在8、9成坐滿時都唔覺得嘈。
見到餐牌嘅飲品選擇好多，除有多款咖啡外，還有超過10款嘅養生茶／冷泡茶，再加上餐牌有一版是精緻嘅甜品，下次可以約姊妹嚟tea吓喇。
