Silver Cafe

之前無睇清楚營業時間摸門釘，今次終於食到喇！星期日晏晝兩點幾嚟到，人唔多，又啱啱有下午茶餐。一開始叫咗一份西多士、炸雞脾配紅豆冰，同埋什扒湯通粉。之後再追加個炸雞翼腸仔公仔麵，本身想叫叉燒，但係賣哂🥲
 
法蘭西多士 — 冰室名物，點都要試一試。熱度夠，上枱嚿牛油已經半溶，不過偏薄身，味道正常

法蘭西多士

 
炸雞脾配紅豆冰茶餐 — 炸雞脾細隻咗啲啲，生炸嚟講幾夠香脆，唔會好油膩，又唔會太乾身，係爭咁少少鹹味；紅豆冰睇落有啲稀稀地，攪勻哂嗰味又OK唔錯嘅

1

炸雞脾

什扒湯通粉 — 豬扒、炸雞翼、腸仔同火腿片各一件，豬扒夠味唔鞋、腸仔應該沾咗層粉先前煎/炸，幾香口，係個通粉質地偏淋

什扒湯通粉

 
炸雞翼腸仔湯公仔麵 — 後加呢個都算有個完美作結，掛住食所以無影到相🤪

公仔麵係我鍾意嘅硬身質地，最驚食啲發漲麵，湯底清得嚟又夠味，同上面湯通粉一樣，唔係平時一丁嗰種；炸雞翼有4隻，香口又唔乾，夠哂簡單好味😋
 
呢種香港舊情懷真係買少見少，特登帶埋小朋友嚟感受一下，好好記住💛

1