Read full review
2019-09-27
2576 views
之前都食過La Famille嘅戚風蛋糕，以往都喺買到返屋企當甜品同屋企人一齊食，但到最近先知晌銅鑼灣有以咖啡店形式經營，可以安坐慢慢享受。同個好耐嘅老友無見，就約埋短聚，食件蛋糕，飲杯咖啡咁囉。環境以咖啡室為裝潢藍本，但顯得一派高雅嘅感覺，唔單止因為一室金銅色色系，更用上絲絨做成梳化椅，並配以雲石枱面。跟店員言談間，先知原來喺呢個牌嘅首家咖啡店。除裝潢，餐具方面，睇得出餐碟、刀叉都喺高幾個檔次嘅貨色。而所有產品，就整整齊齊放晒晌出面凍櫃，由於款式多，又色彩繽紛，所以，令人睇得賞心悅目。既為咖啡店，就定當提供多款飲品。3頁紙嘅餐牌，提供咗好多種特色咖啡及經典嘅意式咖啡，此外，精選嘅茶品亦唔少得啦。如果打算嚟食吓蛋糕，配杯熱飲，咁「Special Set For Two」會喺理所當然嘅選擇，因為，一客自選迷你戚風蛋糕、一客自選巴伐利亞甜點及兩杯經典咖啡，定價為$158。雖然比起散點夾埋嘅價錢唔喺話平咗好多，但有平咗，感覺都喺好啲嘛。香芒熱情果戚風蛋糕 $60佢哋啲戚風蛋糕一向賣相都好靚，就好似呢一款咁，賣相別緻，更好有夏日氣息。綿綿嘅芒果味蛋糕，既鬆軟，又有超強回彈力，而中間嘅忌廉打得柔
環境以咖啡室為裝潢藍本，但顯得一派高雅嘅感覺，唔單止因為一室金銅色色系，更用上絲絨做成梳化椅，並配以雲石枱面。跟店員言談間，先知原來喺呢個牌嘅首家咖啡店。
除裝潢，餐具方面，睇得出餐碟、刀叉都喺高幾個檔次嘅貨色。
而所有產品，就整整齊齊放晒晌出面凍櫃，由於款式多，又色彩繽紛，所以，令人睇得賞心悅目。
既為咖啡店，就定當提供多款飲品。3頁紙嘅餐牌，提供咗好多種特色咖啡及經典嘅意式咖啡，此外，精選嘅茶品亦唔少得啦。
如果打算嚟食吓蛋糕，配杯熱飲，咁「Special Set For Two」會喺理所當然嘅選擇，因為，一客自選迷你戚風蛋糕、一客自選巴伐利亞甜點及兩杯經典咖啡，定價為$158。雖然比起散點夾埋嘅價錢唔喺話平咗好多，但有平咗，感覺都喺好啲嘛。
香芒熱情果戚風蛋糕 $60佢哋啲戚風蛋糕一向賣相都好靚，就好似呢一款咁，賣相別緻，更好有夏日氣息。綿綿嘅芒果味蛋糕，既鬆軟，又有超強回彈力，而中間嘅忌廉打得柔滑輕盈，絕無肥膩嘅感覺，反而，面頭嘅芒果熱情果軟漿，就比較偏重芒果味，熱果味就好隱若。
香芒熱情果戚風蛋糕
$60
47 views
0 likes
0 comments
伯爵茶巴伐利亞 $42如果講到靚，一系列嘅巴伐利亞真喺無得輸，個個都做得晶瑩剔透，內藏好多食用花瓣及鮮果，顯得繽紛璀燦。其實，件甜點喺分上下兩層，下層喺伯爵茶慕絲，上層喺鮮果啫喱，前者伯爵茶味頗為突出，兼且口感柔滑，而後者果肉香甜，口感清爽。
意大利鮮奶咖啡 $36講到襯甜品，小弟嘅首選始終喺鮮奶咖啡，本以為佢哋主力喺甜品，咖啡會唔會只喺當「副業」呢？當杯鮮奶咖啡送到嚟，就知幾有誠意，雖然個拉花有少少偏埋一邊，但線紋細緻，且拉咗好多瓣線紋；味道亦唔差，醇香而綿密，口感亦均勻。
香濃朱古力咖啡 $36友人嘅朱古力咖啡亦出色，拉花更工整，雖然我無試，但聽友人唔停咁讚，就知好飲。佢話先聞到陣陣咖啡香，入口醇和，而滲出甘苦嘅朱古力香，兩者平平衡，唔會顧此失彼，沖泡得恰到好處。
因為早已食過佢哋嘅甜品，所以，質素方面心裡有數，而初嚐佢哋嘅咖啡，卻喺意料之外嘅好，絕對比得上啲大型連鎖咖啡店，亦唔差得過一啲咖啡專門店。
Post
