滋味廚房

Open Now

Now Closed

今日同個朋友經過上環，見到有間咖哩屋。跟住我哋決定入去食過午餐。 我哋order咗set lunch咖哩雞同埋咖哩魚，呢個set 有湯或者沙律選擇。 我哋兩個都選擇沙律，因為見到隔離枱個沙律菜好新鮮。 結果我哋覺得冇選擇錯。 咖哩雞同咖哩魚個樣差唔多，咖哩汁好多但係啲餸就好似少啲。另外，咖哩魚比咖哩雞辣， 如果唔食得辣就叫咖哩雞同埋問佢可晤可以少啲辣。另外，呢個餐有薄餅或飯跟，個薄餅熱辣辣，有成3塊，食唔曬。其實薄餅或飯同咖哩都好匹配，所以叫乜都所謂。最後，餐飲凍檸茶就麻麻地，我哋都覺得下次會選擇其他飲品。 呢度嘅環境算靜，同整潔。服務態度，我都幾滿意。 價錢唔算貴 ，可以試下。