地點：北角匯
菜式：新加坡菜
餐牌：午市套餐選擇好多，有好多款飯麵，配冷熱飲品，可以加錢升級飲品，設有加一服務費。
1
新加坡喇沙 $88 另加一
新加坡喇沙摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，都頗辣。配有連殼蝦兩邊，彈牙魚蛋三粒，同唔少魚蛋條，其他配料有半隻熟蛋，爽口通菜，吸汁豆卜4件，紫洋蔥絲同爽口芽菜，口感豐富。另配青桔一件同參峇醬。
海南雞飯 $88 另加一
海南雞大概有十幾件，半胸半脾仲有半隻雞翼，雞肉都算嫩，伴有3片青瓜，跟有三色醬汁。雞油飯大大碗，熱辣辣，好香。仲有一碗鹹香冬瓜雞湯。
參峇醬燒豬頸肉 $42 另加一
參峇醬燒豬頸肉一客7片，燒得口感香脆，伴有車厘茄半粒，洋葱絲同青瓜幾片，仲有參峇醬更惹味。
街頭雞肉串燒 $26 另加一
街頭雞肉串燒一客兩串，熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒，洋葱絲同青瓜幾片解膩。
馬來芒果汁配芒果雪糕 加$12 另加一
馬來芒果汁配芒果雪糕有濃厚芒果汁面頭加上大大球芒果雪糕，芒果汁味道唔假，都唔會太甜。呢個價錢好抵。
海鹽雪糕椰汁珍多冰 加$12 另加一
海鹽雪糕椰汁珍多冰就係微鹹藍色海鹽雪糕伴香甜椰汁，直頭係一杯甜品。仲有綠色珍多冰加添口感。
今餐食物質素幾好。呢度上菜快捷，座位舒適，平日下午茶時段都好滿座。
