Read full review
2021-01-27
134 views
呢年少咗同成班朋友一齊聚會，少咗食放題同邊爐好多。今次見到八幡屋經WhatsApp訂和牛海鮮放題買一送一真係勁勁勁勁抵，即刻忍唔到手訂咗先！不過19:00前離座或 21:00後入座先有，所以我就係下午去嘅。我地叫咗骨膠原豬骨湯，因為今次有澳洲m5和牛所以都唔食好重口味嘅湯底啦。一黎到侍應好快手擺低咗一碟靚靚和牛、一盤海鮮同一碟刺身。全部都擺得幾靚而且好新鮮！和牛好有牛味，放落煲sap幾下撈出黎，點啲辣椒豉油就食得。順便講埋其他幾款肉：牛肩胛一樣係好有牛味，都可以一試，美國進口牛肉其實係肥牛嚟嘅，黑豚肉普通豬肉咁啦，豚腩肉就係比較肥嘅豬肉，都唔駛驚成片都係膏好油嘅，鐘意腩肉可以一試。我自己鐘意食肥啲嘅肉，所以都幾鐘意肥牛同豚腩肉，不過就要留肚食其他野唔食得多啦。海鮮盤竟然有鮑魚！有啲surprise。我覺得最值得推薦係黃金螺，非常有鮮味，而且又唔會煮到好韌，食完海鮮盤有再叫多啲食。刺身就我最愛啦，三文魚、劍魚腩嗰啲都好肥美好好食，滿足曬我嘅刺身癮！第一輪有泰式生蝦，之後無嘅。呢度要強烈推薦翻叫大赤蝦，呢度嘅大赤蝦好鮮甜好大隻，諗到都流曬口水，我前後叫咗好多次赤蝦。獨家食法：赤蝦蝦頭仲可以
我地叫咗骨膠原豬骨湯，因為今次有澳洲m5和牛所以都唔食好重口味嘅湯底啦。一黎到侍應好快手擺低咗一碟靚靚和牛、一盤海鮮同一碟刺身。全部都擺得幾靚而且好新鮮！
和牛好有牛味，放落煲sap幾下撈出黎，點啲辣椒豉油就食得。順便講埋其他幾款肉：牛肩胛一樣係好有牛味，都可以一試，美國進口牛肉其實係肥牛嚟嘅，黑豚肉普通豬肉咁啦，豚腩肉就係比較肥嘅豬肉，都唔駛驚成片都係膏好油嘅，鐘意腩肉可以一試。我自己鐘意食肥啲嘅肉，所以都幾鐘意肥牛同豚腩肉，不過就要留肚食其他野唔食得多啦。
海鮮盤竟然有鮑魚！有啲surprise。我覺得最值得推薦係黃金螺，非常有鮮味，而且又唔會煮到好韌，食完海鮮盤有再叫多啲食。
刺身就我最愛啦，三文魚、劍魚腩嗰啲都好肥美好好食，滿足曬我嘅刺身癮！第一輪有泰式生蝦，之後無嘅。呢度要強烈推薦翻叫大赤蝦，呢度嘅大赤蝦好鮮甜好大隻，諗到都流曬口水，我前後叫咗好多次赤蝦。獨家食法：赤蝦蝦頭仲可以放落去火鍋湯底，最後變咗極鮮甜嘅蝦湯，真係好不得了。
熟食，串燒同炸野都正常水準。
去到甜品我就覺得幾款都唔錯，有brownie，泡芙同紅豆和菓子。雪櫃有香港牌子嘅雪糕，我揾到有港式奶茶味，好高質！唔係超級甜但係有茶味，確實係好啱香港人嘅口味。
埋單兩個人連加一442，呢個質素可以有下次！
Post
