比門口個牌呃左入去
咩野108元2人套餐,2麵2小食又前菜又甜品又飲品
結果入到坐低問先知原來108已經無
無就唔好貼牌啦!
細到死叫3次先應人,佢真係好意思收加一,乜服務都冇
結果叫左2份所謂既36蚊全日餐,詳細見圖
一麵, 小食,一飲品
我第一次食拉麵係難食過味千拉麵D味精拉麵架囉
食左半碗唔食,隻雞蛋仲要凍架囉,所謂既雞扒拉麵得5舊雞肉
三十幾蚊係深水步食碗咁既野,真係講出黎都比人笑
唔怪得佢鬼影都無隻啦!
野飲仲抵死,杯朱古力奶茶,冰多過茶,飲2啖就無
仲要加6蚊先有呢杯野,癲癲地
出街食咁耐飯,第一次食野食得咁扯火
我真係拎廿蚊去街尾食雲吞麵雞翼好過..!!
地雷之店呀..衰到我即日要上開飯喇寫低佢
