Phở Lê

今日經開呢頭諗住開心食個 lunch，點知中伏入左間零服務都要收加一既「餐廳」。其實對於服務呢樣野真係見仁見智。但我本住服務好俾係俾得開心既，但入去係自己QR code 落單，食完又係自己出去埋單，同茶記無分別，咁都收我加一？唔通服務加左去啲氣氛度？
午餐要杯熱飲最平都要加我$3，你好好生意唔憂做既？上黎既餸又少，得幾片薄肉片，食完都唔覺有野落肚，仲要收我$80。最唔高興既係唔好食。我當買個教訓，我就唔會再食了。純粹寫低俾想入去試又唔知值唔值得既人睇下。