海老名沾麵

Open Now

Now Closed

今次係同朋友第二次嚟食，因為第一次食過覺得還可以，諗住再試多次！我地到時時間尚早，冇人排隊，滿心期待食碗熱辣辣嘅沾麵！點知嘢食到咗，個湯只能說微暖，唔夠熱，又冇上次咁好味，而且仲好油！另外個麵又太硬！個廚師係咁玩電話，都冇乜理煮緊嘅嘢食，可能因為咁而煮得唔好味，非常失望！廚房係開放式而且細，一眼望得哂，衛生環境好差，幾污糟。。而且收客人垃圾同煮嘢食嘅係同一個人=廚師諗起都驚。。最嬲嘅事就係到我地終於食完嗰時，傾咗幾句，叫咗杯可樂都未飲完！個待應好似傻咗咁，喺我地後面大叫: 多謝哂！比佢嚇一嚇，唔知咩事就冇理佢，點知隔多分零鐘又喺我地後面大叫多謝哂！ 重點係全場滿人但冇人要埋單，冇人要走。。心諗:即係趕緊我地走？但我地杯嘢都仲未飲完！之後入面個廚師仲衰嘅語氣大叫:出面有兩位係咪呀？ 比說話我地聽。。。永遠不會再來，永不推介朋友，而且仲會叫人不要來。