Video
Read full review
2023-01-28
4947 views
我同幾個朋友都係中菜嘅愛好者，尤其喜歡食粵菜。今次襯生日期間，預訂左呢間想食好耐嘅鬍鬚佬私房菜。餐廳喺網上嘅評價唔多，大多數人都係friend搭friend咁樣去食，相當隱蔽。我係經WhatsApp去預訂呢間餐廳， 落訂時老板send左長長嘅手寫menu比我，菜色應有盡有，花多眼亂。我同朋友喺用餐前幾日敲定好菜式，當日一坐低就即刻有得食😋餐廳位於一棟舊式商廈入邊，冇任何廣告牌指示，相當隱蔽。餐廳位置唔多，但全場爆滿，唔少一家大細咁去食，生意都幾好。✨棟督雞（$300）餐廳菜色選擇繁多，淨係雞嘅菜式已經有好幾款。但要數最奪人眼球嘅，一定係呢隻棟篤雞。廚師將雞完隻烤熟，外皮金黃香脆，肉質幼嫩，但略嫌雞味不足。如果加幾百蚊可以轉為新鮮雞，相信味道會更出色！✨避風塘炒蟹（ $380 ）非常香口嘅一道菜，肉蟹以脆蒜、香蔥等配料炒熟，非常惹味。✨冰鎮咕嚕肉（ $200 ）新鮮炸起嘅咕嚕肉上放滿冰，一冷一熱口感非常清爽。✨龍鳳珍肝卷（ $250 ）難得黎到諗住叫啲未試過嘅菜式，龍鳳珍肝卷就係其中之一。廚師以腐皮包裹住雞肝同蝦仁，再炸至香脆，味道幾特別，但食多幾件就略為膩味。✨金牌爵士湯（ $520
餐廳位於一棟舊式商廈入邊，冇任何廣告牌指示，相當隱蔽。餐廳位置唔多，但全場爆滿，唔少一家大細咁去食，生意都幾好。
✨棟督雞（$300）
餐廳菜色選擇繁多，淨係雞嘅菜式已經有好幾款。但要數最奪人眼球嘅，一定係呢隻棟篤雞。廚師將雞完隻烤熟，外皮金黃香脆，肉質幼嫩，但略嫌雞味不足。如果加幾百蚊可以轉為新鮮雞，相信味道會更出色！
✨避風塘炒蟹（ $380 ）
非常香口嘅一道菜，肉蟹以脆蒜、香蔥等配料炒熟，非常惹味。
✨冰鎮咕嚕肉（ $200 ）
新鮮炸起嘅咕嚕肉上放滿冰，一冷一熱口感非常清爽。
✨龍鳳珍肝卷（ $250 ）
難得黎到諗住叫啲未試過嘅菜式，龍鳳珍肝卷就係其中之一。廚師以腐皮包裹住雞肝同蝦仁，再炸至香脆，味道幾特別，但食多幾件就略為膩味。
✨金牌爵士湯（ $520 ）
每枱都必點嘅一款湯，入面加左雞、花膠、木瓜特，味道濃郁香甜，飲得出係落足料。幾個朋友都讚不絕口，但我自己就飲慣較清嘅湯，覺得咸左少少。
✨豉汁蟠龍鱔（ $500 ）
我自己最最鍾意嘅一道菜❤️基本上每次食中菜都會點一道豉汁蒸白鱔，雖然家常但並唔係度度都整得好味。鬍鬚佬嘅蒸白鱔就做得非常出色！火喉控制得岩岩好，鱔肉肥美鮮甜，非常好味🤤
Post
