Red Idea Cafe

估唔到樓上cafe食物質素都可以咁有驚喜，媲美出面既西餐廳。每個禮拜六7點半仲有LIVE MUSIC添，下次可以禮拜六再唻。

可以單點項目或轉套餐，套餐有法式烤包，餐湯或湯律，冷熱飲品或指定果汁。今晚點左兩個人氣之選套餐。

前菜醒胃，分別要一個湯，一個沙律，是日餐湯係番茄雜菜湯，沙律菜新鮮爽翠。

炭燒紐西蘭西冷牛扒，燒汁，芥末及配菜 $124，可以跟飯，意粉或薯菜。牛扒煎得岩岩好，外表金黃香脆，好容易切開，牛扒好有肉汁，肉味濃，薯蓉好滑，配上燒汁好味。

炭燒紐西蘭西冷牛扒

$124

1

軟殼蟹黑松露忌廉汁意粉 $102，軟殼蟹有兩舊，炸得好鬆脆，意粉彈牙有口感，最怕食到一舊粉團既意粉，黑松露忌廉汁好香，配意粉一流。

軟殼蟹黑松露忌廉汁意粉

$102

跟餐指定果汁係蜜核汁，枝奘上，都唔錯呀。

如果想飲其他飲品，可以加錢將餐飲升級轉以下飲品。

另有素食餐單，岩晒食素朋友仔。