早幾日同老婆去 GAVI 食到幾款正野，真係好值得試吓！同埋，佢有個露天嘅戶外地方可以帶埋寵物去 😃
無花果鵝肝多士，呢個真係不得了！鵝肝煎到外脆內軟，入口即化嘅感覺，配上清甜嘅無花果，完全中和咗鵝肝嘅油膩感。個多士仲要脆卜卜，整體配搭完美到極！😋👏🏻
香濃蟹肉龍蝦湯，超濃郁！龍蝦味好出，仲有唔少蟹肉喺裡面，每一啖都係鮮甜嘅海鮮精華。飲完成個身暖笠笠，好滿足！👍🏻
蜜汁燒焗花雕脆香雞，真係皮脆肉嫩，蜜汁嘅甜味同花雕酒香好夾。雞肉好滑，一啲都唔嚡口，仲有淡淡酒香回甘，令人食唔停口！👀
泰式冬陰功虎蝦意粉，好有泰式風味，酸辣度平衡得剛剛好。虎蝦大大隻，爽口彈牙，個汁掛滿每條意粉，好惹味！鍾意泰式嘢嘅朋友一定要試～ 😍
檸檬蝶豆花梳打 & 荔枝乳酸梳打
兩杯特飲都好清新！檸檬蝶豆花梳打酸甜解渴，蝶豆花嘅顏色好靚；荔枝乳酸梳打就好香甜，乳酸味幾突出，飲完成個人都涼爽晒！👏🏻
GAVI 嘅菜式有心思又好味，絕對會再 encore！👍
