蘇媽.蘇媽馬來西亞茶餐室 (Closed)

其實每次同朋友去食新加坡菜我都會去呢間餐廳！點解呢因為入面每道菜都大碟又抵食！如果你會問我會介紹邊幾道菜，我就比真心推介你啦！必食嘅一定係加央多士同埋肉骨茶。佢個肉骨茶係無限任添，入面藥材超級足料，我覺得超抵飲！加央多士牛油同埋加央嘅平衡啱啱好，超級香口，個外皮仲要烘到好脆！再配返一杯美祿恐龍真係好正～其他小食都唔錯，鍾意食辣嘅可以叫一碟辣死你媽，其實講真唔係好辣～特別鍾意佢嗰啲馬拉醬同埋蝦片！印度薄餅點吓咖喱又幾好食，同埋應該要試吓佢新加坡獨特嘅小食~好特別，係其他餐廳好難食到