最近同朋友去咗銅鑼灣嘅吟坐 炉端居酒屋，發現佢哋推出咗全新Menu，忍唔住要試一試！整體感覺好有驚喜，食物質素高之餘，氣氛都好有日式居酒屋嘅味道，啱晒放工後輕鬆聚餐。
*🐟 必試推介：喜知次魚*
一坐低就被Menu上嘅喜知次魚吸引住，果然係全場焦點！魚肉油脂豐富，皮燒得香脆，入口即化，鮮味十足，真係好少見咁高質嘅爐端燒。
*🍢 其他精選小食*
- *長芋明太子* ：口感清爽，長芋脆脆地配上鹹香明太子，好開胃。
- *蟹膏多士* ：蟹膏香濃，配上烘得香脆嘅多士，簡直係邪惡美味代表！
- *鮟鱇魚肝* ：入口滑溜，味道濃郁但唔膩，配埋少少蔥花同醋汁，好有層次。
- *Rolled Sushi with Negitoro* ：吞拿魚蓉配蔥花，壽司卷得好靚，味道新鮮，係壽司控必點。
- *三文魚茶漬飯* ：最後以茶漬飯作結，暖笠笠又舒服，三文魚同昆布湯底好夾，完美收尾。
*🍷 飲品方面*
我哋叫咗兩杯梅酒，微甜帶果香，啱晒配搭以上菜式，飲落唔覺膩，反而更開胃。
整體嚟講，吟坐今次新Menu真係有誠意，食材新鮮，味道有驚喜，價錢合理，服務又好。下次一定會再嚟試其他新菜式！
1
