十和田 (Closed)

我同男朋友突然發覺好耐冇食日本野，心思思openrice search下，見到呢間十和田好多好評喎，一於去check it out！赤蝦(左上)，蝦身唔算大隻，不過係鮮甜既，喜歡帶點黏黏膠膠既感覺；油甘魚(右上)，味道一般般，個人覺得就唔夠油香啦；八爪魚(右下)，恐怖既事情要發生啦！入口韌到好誇張！係咬唔開架！香葱吞拿魚腩丼呢個吞拿魚腩丼真係不得了！我同男朋友都非常推介！吞拿魚腩份量非常慨，每啖飯都會食到吞拿魚腩架！吞拿魚腩肥美，入口滿滿魚油香，$118一碗來講絕對係性價比高！食多幾啖會有d滯，所以2個人share岩岩好。季節墨魚入口爽彈，帶點鮮甜，不過一件要$25就唔太值啦。火炙牛肉赤蝦卷牛肉燒好嫩，而裡面就有赤蝦同青瓜，好特別的配搭，味道都唔錯。個人覺得青瓜換做牛油果應該會更加好味！燒明太子雞翼雞翼漲卜卜好可愛！裡面滿滿明太子，味道帶點微辣，雞翼亦燒得剛剛好，肉質好juicy，雞皮燒得香脆。