杉玉 (The Hennessy)

Open Now

Now Closed

好少過海嘅我，冇留意對面海有咩食，不過兩個朋友都介紹呢一間今晚就即管過嚟試吓啦。怕多人一早嚟拎咗飛，不過都唔使等好耐就已經有位。由於佢有限時，所以我都係等埋朋友先入座。先點咗個炸魚骨諗住用嚟送酒，不過佢完全冇味，所以我問個waitress點解會冇味道，佢竟然答我係食原味就擰轉頭走咗去。我完全O 左嘴。過多陣有個做廚房嘅男仔出嚟出賽菜我哋張枱，我就問佢碟魚骨應該係咩味，佢話係鹹鹹地嘅，我話係唔係唔記得調味，因為完全冇味，佢只係講句唔好意思又走咗去。點解同兩個人講完出現問題都冇人理我哋㗎？！究竟識唔識得處理㗎？我最後自己攞啲鹽自己家落去算數，離晒大譜！比較好食有薯仔沙律，吞拿魚他他，炸池魚，其他都好一般，尤其係寿司，不能比較！如果要食寿司不要在這裡食，小食有啲還可以，不過好似乜都炸，食到成肚油，一次半次夠了。