Video
Read full review
2020-12-05
227 views
呢間鋪平日已經大排長龍，加上又係黃店，夜晚見冇人排隊就去試一試。店內裝修有特色，座位寬闊，兩個人坐卡位都唔會迫夾👍🏻🧚🏻♀️黑金奶黃流沙包 💰$21上網睇到人哋介紹非常吸引，點知嚟到真係🤬唔知係自己唔好彩，定係其他Foodie好彩，流沙包真係完全唔流沙，奶黃味好淡亦唔夠香，成個包非常普通。🧚🏻♀️原隻鮮蝦腸 💰$30腸粉夠滑，豉油調味正常，但鮮蝦非常細隻，腸粉同鮮蝦比例8:2。而且蝦肉有苦澀味，唔係一兩隻嘅問題，成份腸粉都係，非常唔推薦🥴🧚🏻♀️鳳凰煎米雞 💰$30係其他點心專門店少有嘅煎糯米雞。分量正常，但非常淋油，表面仲見到好多煎炸完嘅泡泡。蛋漿同糯米雞嘅味道完全分開，餡料亦冇乜特別。誠實食評，唔係想批鬥黃店。小編仲嗌咗蝦餃、燒賣、紅棗糕，味道正常，但如果係特登去試會有啲失望，希望下次再去會有驚喜💁🏻♀️味道：4/10環境：7/10CP值：4/10
🧚🏻♀️黑金奶黃流沙包 💰$21
上網睇到人哋介紹非常吸引，點知嚟到真係🤬唔知係自己唔好彩，定係其他Foodie好彩，流沙包真係完全唔流沙，奶黃味好淡亦唔夠香，成個包非常普通。
🧚🏻♀️原隻鮮蝦腸 💰$30
腸粉夠滑，豉油調味正常，但鮮蝦非常細隻，腸粉同鮮蝦比例8:2。而且蝦肉有苦澀味，唔係一兩隻嘅問題，成份腸粉都係，非常唔推薦🥴
🧚🏻♀️鳳凰煎米雞 💰$30
係其他點心專門店少有嘅煎糯米雞。分量正常，但非常淋油，表面仲見到好多煎炸完嘅泡泡。蛋漿同糯米雞嘅味道完全分開，餡料亦冇乜特別。
誠實食評，唔係想批鬥黃店。小編仲嗌咗蝦餃、燒賣、紅棗糕，味道正常，但如果係特登去試會有啲失望，希望下次再去會有驚喜💁🏻♀️
味道：4/10
環境：7/10
CP值：4/10
Post
