Wingman (Closed)

終於搵到朋友陪我食雞翼放題啦！同朋友行完街就去食，【超值雞翼放題 $178】×2位 (Mon-Thus) (另外$198 係Fri-Sun)，時限為90分鐘，我哋揀咗呢 Set有10款口味，食完可以再嗌，有辣有唔辣，仲要無限添飲汽水及檸檬茶，如果加 $60 可以任飲啤酒、紅酒及白酒添 雞翼係即叫即整，香噴噴熱辣辣，外層香脆，肉質嫩滑；10隻口味嘅雞翼放題：黑椒檸檬🍋、蒙古燒烤味、泰式甜辣醬🌶、紐奧良香粉、黑芝麻海鮮蜂蜜🍯、死神醬🌶🌶🌶、咖啡香味☕、巴馬臣芝士蒜香味🧄、田園風味、特色水牛城醬🌶；2個人食咗幾轉雞翼，每款口味都唔同，夠哂惹味，幾轉雞翼，仲食齊哂咁多款，真係好滿足 我就最鍾意就係黑芝麻海鮮蜂蜜、泰式甜辣醬，甜甜辣辣好鬼正；可以食得好辣嘅朋友仔話，死神醬雞翼好正，勁多辣椒圍住哂，入口真係辣得惹味 食雞翼當然要飲冰凍【可樂】、【雪碧】、仲有大大杯【檸檬茶】，可以無限添飲真係好正 除咗雞翼，仲嗌咗個小食【松露醬薯條 $65】炸得勁脆，個松露醬仲超正 (好想食多一份) Wingman旺角彌敦道594-596號旺角新城17樓