聖誕佳節仲有唔少聖誕氣氛，節日要食得豐富啲，我地揀咗4層牛肉HONBO 2.0 同THE GOLD STANDARD 😋😋
漢堡都可以當鋸扒🥩 HONBO 2.0 (右邊) 絶對係世界級水準，有四層2oz香口牛肉漢堡扒，十級juicy ，食到舔舔脷！仲要中間每層都夾住芝士，非常之香濃！
雖然漢堡扒厚度得2oz, 但係兩面都剪得好香脆，呢個就係世一漢堡特別之處。
至於THE GOLD STANDARD配搭就更為豐富，有兩層4oz 牛肉漢堡扒加香脆嘅煙肉，增加整個漢堡嘅口感。兩款漢堡都充滿肉汁，成個配搭好滿足好豐富👍🏻👍🏻
另外要推介嘅係芝士薯條🍟 佢嘅芝士醬一啲都唔吝嗇，無論上層中層下層都充滿濃厚嘅芝士醬😌😌 唔會好似其他餐廳剩係得上層有醬，好creamy好好食，係鹹香嘅芝士味☺️
至於Buffalo Wings 都好濃味同香口，比較特別嘅係有藍芝士醬料配搭。
最後飲品方面，有Lemonade 同 Apple Pie Iced Tea, 蘋果批味嘅凍茶，有少少玉桂香，好特別同解渴👍🏻
總括而言呢一餐都非常豐富，飽到捧住個肚😂
