Read full review
2012-03-20
194 views
有好事，自然要慶祝！所以帶左屋企人出黎食餐好既！因為爸爸媽媽都鍾意食上海菜又係慶祝開心事，所以諗住帶佢地食得高級少少係夜上海訂左六點檯（註：餐廳六點先開），入到去，好快已經有人帶位一行四人，坐卡位；但係卡位好迫... 身型唔肥既我地，攝入去卡位都有少少吃力，不過坐落都幾舒服，最貼心既地方，就係卡位旁既支柱有掛外套既勾！都想得幾周到！因為我同男友都好肚餓，所以我就爭住睇菜牌，成日幫襯上海舖既我地，好快已經想好食咩，準備落單先黎四位明前龍井（$48位都幾貴），不過屋企人人鍾意飲茶，一次半次，無緊要啦！茶葉完正，一倒出黎就有龍井既清香，全晚加左起碼六七次水，依然好有茶味！今次主力講食物：頭盤：齊菜豆腐羹（小）：因為想試晒兩個我地好鍾意既湯羹，所以只叫細 size．齊菜通常只係杭州上海菜會見到，不過呢個有少少失望：無咩齊菜，得豆腐，但味道還可以砂鍋雲吞雞（小）：好味！雞煲得好 "林" 但都仲有雞味；雲吞細細粒，一口一隻，仲有幾條白菜仔！鎮江肴肉：唔會太膩，做得幾出色；沾埋鎮江醋，讚！！無錫脆鱔：D 鱔好似炸過頭，食唔出鱔既味道；只係有少少甜酸味，有 D 失望醉雞：好明顯係隻雞蒸好左，再淋酒係碟
係夜上海訂左六點檯（註：餐廳六點先開），入到去，好快已經有人帶位
一行四人，坐卡位；但係卡位好迫... 身型唔肥既我地，攝入去卡位都有少少吃力，不過坐落都幾舒服，最貼心既地方，就係卡位旁既支柱有掛外套既勾！都想得幾周到！
因為我同男友都好肚餓，所以我就爭住睇菜牌，成日幫襯上海舖既我地，好快已經想好食咩，準備落單
先黎四位明前龍井（$48位都幾貴），不過屋企人人鍾意飲茶，一次半次，無緊要啦！茶葉完正，一倒出黎就有龍井既清香，全晚加左起碼六七次水，依然好有茶味！
今次主力講食物：
頭盤：
齊菜豆腐羹（小）：因為想試晒兩個我地好鍾意既湯羹，所以只叫細 size．齊菜通常只係杭州上海菜會見到，不過呢個有少少失望：無咩齊菜，得豆腐，但味道還可以
砂鍋雲吞雞（小）：好味！雞煲得好 "林" 但都仲有雞味；雲吞細細粒，一口一隻，仲有幾條白菜仔！
鎮江肴肉：唔會太膩，做得幾出色；沾埋鎮江醋，讚！！
無錫脆鱔：D 鱔好似炸過頭，食唔出鱔既味道；只係有少少甜酸味，有 D 失望
醉雞：好明顯係隻雞蒸好左，再淋酒係碟內；雞係嫩滑，皮彈牙，不過真係唔覺有酒味入到雞肉
主菜：
紅燒獅子頭：整體唔錯，獅子頭肉嫩，有酒香；不過有 D 散；冬菰好香好 "林"；菜膽係好 "林"，但好明顯係先煮好再加入煲內（菜入面無肉汁既味道）
炒年糕：味道尚可！唯一問題係佢同好多上海店一樣，年糕偏甜：係炒得好 "林" 但係成碟入面肉絲同菜真係少得過份
乾 "扁" 竹筍四季豆：呢個真係好好味！竹筍非常鮮嫩，又爽脆！四季豆亦好翠綠！加左炸菜粒煮，惹味！！
賽膀蟹：好好味！蛋白炒得好嫩滑，仲有唔少瑤柱絲，加少少鎮江醋，個鮮味即刻已經出晒黎！食到唔停口！
小籠包：最期待既小籠包小籠包，最後先出！！！！皮薄又唔易穿，一啖一隻，汁好多，肉亦幾嫩，令我地個個都想再食多客！！！
甜品：
桂花酒釀丸子：我至愛既甜品！！！一上檯已經有好香既桂花味！可惜丸子略嫌大粒左同埋明顯係一條糯米粉條用刀切小粒（而唔係用 "雛" 既方法整）；味道係可以既！
服務幾周到！上菜亦快同準
我地係無錫脆鱔入面見到有條頭髮，個部長都連忙道歉，話可以幫我地換，態度好好；但最後我地都無換到（真係好小事嗟！）
〔編輯如覺得此句有問題，可以 delete，請不要整篇棄用！我用左好耐打架！〕
Other Info. :
環境真係好靚好舒服
成晚都播住小鄧，鄧麗君既名曲，係咁好聽既歌底下，食都食得開心 D！
(The above review is the personal opinion of a user which does not represent OpenRice's point of view.)
Post
