Read full review
2018-07-24
837 views
香港人鐘意去小店都係因為小店有一份無價既人情味。可惜而家香港有唔少打住小店既旗號餐廳,但只係巧立名目。幸好,呢一間波記燒味係例外⋯⋯友人話呢間波記既燒鵝係西環好出名,所以就同友人一齊黎試一試佢既水準。店鋪裝潢同餐牌睇落係一間好普通燒味店 一坐落就梗係叫個鵝脾飯先,點個店員話要訂先有,係咁同我講對唔住。我都幾失望因為我都係遠道而黎試架嘛。但係無計就叫店員幫我落個燒鵝飯算。個飯黎到,居然有鵝脾,個店員靜雞雞走黎同我講話見我咁想食,專登加脾俾我。真係好開心。同埋呢度既鵝真係名不虛傳,肉質鮮嫩,肥而不膩,唔錯唔錯。食野期間,雖然店員好忙,但係都仲會客人吹水,有傾有講。氣氛好好一定會再黎食!
Post