Read full review
2020-09-13
2064 views
上月底生日因為限聚令無左晚市堂食，好姐妹就非常有心特登揀左灣仔呢間由最年輕獲得米芝蓮兩星榮譽既英國名廚Tom Aikens所開既西餐廳食lunch慶祝☺️-餐廳位於一棟19世紀興建既建築物入面，前身係和昌大押，2008年經過活化後餐廳就租用3層到而家，如果大家有去過 #bakehouse 相信有經過過呢棟百年歷史既建築物🏛-餐廳1樓係酒吧🥃，2樓係餐廳🍽，3樓係天台花園🌳，無私人宴會舉行既時候餐廳會開放花園俾公眾人士參觀；而係bakehouse斜對面有部電梯可以直達各樓層，唔洗係正門行樓梯咁辛苦🤣-餐廳平日有lunch menu供應，假日亦有brunch menu，幫襯當日我地就點左à la carte menu既野食******************************✨Baked Boston lobster🦞($188)開邊龍蝦既size唔係好大隻，廚師先將龍蝦肉抽出處理，再將以牛油🧈同香草🌿炒香過既蘑菇粒🍄同蒜頭粒🧄重新鑲入龍蝦殼內拎去焗，蝦殼內仍然保留唔少精華非常juicy😋 雖然細細隻但都幾有鮮味，仲食到淡淡海水味🌊，質素算係唔錯👍🏻原價要488蚊，餐廳而家做緊spec
上月底生日因為限聚令無左晚市堂食，好姐妹就非常有心特登揀左灣仔呢間由最年輕獲得米芝蓮兩星榮譽既英國名廚Tom Aikens所開既西餐廳食lunch慶祝☺️
-
餐廳位於一棟19世紀興建既建築物入面，前身係和昌大押，2008年經過活化後餐廳就租用3層到而家，如果大家有去過 #bakehouse 相信有經過過呢棟百年歷史既建築物🏛
-
餐廳1樓係酒吧🥃，2樓係餐廳🍽，3樓係天台花園🌳，無私人宴會舉行既時候餐廳會開放花園俾公眾人士參觀；而係bakehouse斜對面有部電梯可以直達各樓層，唔洗係正門行樓梯咁辛苦🤣
-
餐廳平日有lunch menu供應，假日亦有brunch menu，幫襯當日我地就點左à la carte menu既野食
******************************
✨Baked Boston lobster🦞($188)
開邊龍蝦既size唔係好大隻，廚師先將龍蝦肉抽出處理，再將以牛油🧈同香草🌿炒香過既蘑菇粒🍄同蒜頭粒🧄重新鑲入龍蝦殼內拎去焗，蝦殼內仍然保留唔少精華非常juicy😋 雖然細細隻但都幾有鮮味，仲食到淡淡海水味🌊，質素算係唔錯👍🏻
原價要488蚊，餐廳而家做緊special menu平左足足3百蚊，價錢相當優惠🈹 若正價既話，個人就認為唔多抵食🙅🏻♀️
-
✨Mussels (500g $238/1kg $398)
500g既份量已經有不少，如果人多點1kg會更抵食😁
呢度既青口隻隻都新鮮肥美脹卜卜😋，醬汁以忌廉同白酒烹調夠晒creamy，但個人覺得味道淡左少少🤏🏻
不得不提伴碟既手切薯條🍟，單點一份要68蚊，而家食呢客青口就可以食到‼️薯條夠晒粗大，我地食到停唔到口，青口就黎食完時仲忍唔住將薯條點埋d忌廉汁黎食🤣
-
✨Truffle🍝($218)
意粉上桌時油分唔係太多，我地食完前面兩份海鮮時再食呢碟擺左一陣既意粉時，佢既質感已經比相中所見既更乾😓
雖然麵條食落夠al dente兼帶淡淡黑松露味，但麵底真係偏乾，加埋鮮黑松露片黎食有d難吞嚥😐
-
✨Tiramisu🍨 ($85)
當見到份tiramisu上面寫左字真係幾意外，事後先知原來好姐妹訂座時已交帶係甜品上寫既字☺️
呢度既tiramisu係將軟芝士🧀整成cream狀，質感輕盈幼滑，相比平時食開既tiramisu會無咁heavy
芝士cream入面有唔少面頭既朱古力脆粒，口感鬆脆帶有濃郁榛子味，好似食緊金莎朱古力咁😍 而手指餅就浸左咖啡☕️，口感濕潤似海綿蛋糕，一匙羹芝士cream連同手指餅&脆粒黎食，滿滿既幸福感🥰
-
✨Chocolate brownie with vanilla ice-cream🍨
加熱過既brownie食落暖暖地，質感扎實加埋合桃碎食落口感豐富；而雪糕🍦夠哂濃厚，裡面夾雜住d似三角朱古力🍫入面既蜜糖粒🍯，少少煙韌感幾特別；雪糕同brownie 冰火交融再加酸酸甜甜既果jam黎食，唔會太甜膩😋
不得不講我地食完兩份甜品之後都一致認為呢度既甜品好食過主菜，就算有下次都會係衝住甜品而黎😂
******************************👧🏻人均消費：$450-$500
😋味道指數：3.5/5
💰抵食指數：2.5/5
🪑環境指數：4/5
💁🏻♀️服務指數：3.5/5
👍🏻再訪指數：3/5
-
📍The Pawn
地址：灣仔莊士敦道62號2樓
⏰營業時間：12:00–13:45；18:00–20:45 (Mon–Sun)
Post
