台灣麵

Open Now

Now Closed

台灣就暫時去唔到，去完番黎都要隔離14日，但係想念台灣牛肉麵時，「台灣麵」是可以去的。 講緊的是元朗教育路的台灣麵^^這晚因為懶得煮飯, 就與家人草草咁的 去了食晚飯。台灣麵最好嘅地方就係由朝到晚都有套餐， 而且款式選擇多，想食粗麵想食肉燥飯想食乾拌麵都可以有得揀， 無論炸雞滷排骨 定係牛肉 都可以任君選擇， 配埋台式茶飲都只係加三蚊， 抵食。原味台灣牛肉麵牛肉麵送到上枱 當然先喝口牛肉湯，牛肉湯湯頭呈棕色， 湯底稠身，以多款藥材料燉製，濃香美味。麵條 煙韌 ，咬落軟硬適中。牛展份量勁多，件件都有份量，而且肉味濃，軟硬適中。紅燒牛肉配肉躁飯52紅燒牛展比原味牛展多了少少辣味 ， 更顯得惹味開位。肉燥飯香噴噴的，鹹香夠味，超下飯。香酥雞扒乾伴麵49雞炸得夠熱辣辣，外層雞皮夠脆，食落仲 唔會乾柴柴 ，非常juicy。乾伴麵條 煙韌 ， 配上惹味的醬油 乾蔥和肉燥，讓人欲罷不能。