1
🐮和牛衝擊8道菜套餐（$820/ 位）
💗極生牛肉佐帕瑪森起司
底層係外脆內軟嘅蒜香厚多士，鋪上厚厚一層生牛肉他他，再刨上鹹香濃郁嘅巴馬臣芝士，最後以魚子醬點綴，味道好豐富🍞
💗美國牛舌厚切
厚切牛舌表面燒得焦香，入面保持脆嫩彈牙，最適合配搭自家鹽葱油或青檸汁👅
1
💗日本A5和牛牛小排
薄切和牛牛小排油花分佈平均，肉質軟嫩細膩，入口即溶，建議配搭鹽昆布或油封大蒜🧄
💗日本A5和牛刺身
選用和牛三角做成薄切刺身，帶豐富霜降油脂紋，配上獨家日式醬油同Wasabi，清新得嚟又有油脂香🥓
💗日本A5和牛月見金磚
將A5 和牛肉眼切成小磚頭，呈大理石油花紋理，一咬落去滿滿油脂同肉汁係口中噴發，蘸上生蛋黃同燒肉汁，口感更絲滑🥚由於油脂含量多，建議加埋白飯同意大利黑松露醬一齊食，中和油膩感外，更增添一份松露香🖤
💗日本A5和牛海膽卷
火炙和牛三角口感滑嫩，油脂豐潤，結合鮮甜嘅海膽，海陸滋味係口中互相交錯🧡
💗日本A5和牛夏多布里昂
和牛夏多布里昂屬於牛柳最嫩嘅位置，脂花紋路幼細，肉質最軟熟嫩滑，肉味濃郁且油香四溢，最適合配搭柚子燒肉醬，除咗提升肉嘅鮮味，柚子嘅清香可以中和油膩感🥩
💗醬漬封門柳
選用美國封門柳，用上自家醬油醃漬，肉質柔軟帶嚼勁，牛味濃郁之餘滲透醬油嘅香味🐃
💗時令蔬菜籃
日本山藥爽甜黏滑，意想不到同明太子美奶滋非常夾；翠用瓜爽脆清甜，配上特製辣椒粉增添風味；醬油牛油雜菌有齊雞髀菇、秀珍菇同金針菇，非常索汁🥙
💗真理丼（+$150）
真理丼集齊和牛他他嘅油香、海膽嘅鮮甜、魚子醬嘅鹹鮮、黑松露嘅香味、蛋黃嘅creamy，連同白飯撈埋一齊食，味道層次豐富🍚
💗今歸仁西瓜意式手工雪糕 ($62)
西瓜雪芭冰感清爽，啱晒食完燒肉後清下味蕾🍉
💗菠蘿桶柑意式手工雪糕 ($62)
菠蘿雪芭微酸清新，特別加咗柑橘肉係裡面，完全消除哂油膩感🍍
💗紅提蜂蜜酒 (+$68)
選用純正香港本地蜂蜜發酵，並加入紅提子乾釀製而成，入口帶葡萄香甜，散發出淡淡蜂蜜味，非常易入口🍇
