先嚟一碗 [ 麻辣牛肉新竹米線 ] 麻辣湯底十分之香，加上牛肉片嫩滑，辣味適中，啖啖都可以食到牛肉嘅鮮味。米線滑溜，仲吸收咗濃郁嘅麻辣湯汁，每口都好惹味。加上幾片蔥花，整體味道更加清新，再加上一隻溫泉蛋，口感更加豐富
當然唔少得要叫份 [ 芝士肉鬆蛋餅 ] 外皮金黃香脆，內裡芝士融化，配埋滿滿肉鬆，簡直好好食！再加埋蛋香，食落去好滿足，真係一口接一口，根本停唔到口
最後呢份 [ 香酥炸排骨 ] 外層十分之香脆，內裡嫩口，炸得剛好，肉質鮮嫩，咬落去滿滿肉汁流出，食到好滿足。一個人食一碗麵配搭兩款小食，真係好正
