Read full review
2021-02-21
774 views
近排天氣雖然暖返唔少，但亦無損我倆打邊爐嘅興致。最近瀏覽網頁得知新派火鍋店「酒鍋」，為慶祝開業 5 周年，推出期間限定午市火鍋放題，最平 $68 就有交易，非常化算， 所以趁今日假期，專登嚟銅鑼灣分店食個新春火鍋。餐廳的布置別樹一格，不但環境優雅、景色宜人，而且更坐擁無敵維港大海景，令人心曠神怡。今次的「吃到飽」套餐設有 2 個時限，分別為 60 分鐘及 90 分鐘，兩者均包括 9 款火鍋湯底，無限添加精選火鍋配料、台式風味地道小食、甜品及飲品。我哋揀左個每位 $178 套餐，90 分鐘可以任食 4 款主菜，湯底點左「黃金美人」，即胡椒豬肚花膠黃金鮮雞湯。湯頭味道非常鮮甜，帶淡淡胡椒香。雞件分量十足，新鮮嫩滑；花膠大大塊，既爽彈又吸滿湯汁，食落很滋味。豬肚入口又滑又腍，證明火候足。4 款主菜包括有日本黑毛豬腩肉、走地雞髀肉、USA 特上精選牛肩胛及台灣空運鴨血。豬腩肉口感唔錯，爽脆有彈性；牛肩胛油分十足，灼燙後充滿脂香，但入口卻完全不膩。鴨血質地滑溜，吸汁又惹味。秘製小食有炸雞皮、鹵肉、台式臭豆腐、鹽酥雞、關東煮、糖醋骨、台式蚵仔煎。臭豆腐麻香十足，味道相當濃郁，正宗台灣風味。蚵仔煎外
最近瀏覽網頁得知新派火鍋店「酒鍋」，為慶祝開業 5 周年，推出期間限定午市火鍋放題，最平 $68 就有交易，非常化算， 所以趁今日假期，專登嚟銅鑼灣分店食個新春火鍋。
餐廳的布置別樹一格，不但環境優雅、景色宜人，而且更坐擁無敵維港大海景，令人心曠神怡。
今次的「吃到飽」套餐設有 2 個時限，分別為 60 分鐘及 90 分鐘，兩者均包括 9 款火鍋湯底，無限添加精選火鍋配料、台式風味地道小食、甜品及飲品。
我哋揀左個每位 $178 套餐，90 分鐘可以任食 4 款主菜，湯底點左「黃金美人」，即胡椒豬肚花膠黃金鮮雞湯。湯頭味道非常鮮甜，帶淡淡胡椒香。雞件分量十足，新鮮嫩滑；花膠大大塊，既爽彈又吸滿湯汁，食落很滋味。豬肚入口又滑又腍，證明火候足。
4 款主菜包括有日本黑毛豬腩肉、走地雞髀肉、USA 特上精選牛肩胛及台灣空運鴨血。豬腩肉口感唔錯，爽脆有彈性；牛肩胛油分十足，灼燙後充滿脂香，但入口卻完全不膩。鴨血質地滑溜，吸汁又惹味。
秘製小食有炸雞皮、鹵肉、台式臭豆腐、鹽酥雞、關東煮、糖醋骨、台式蚵仔煎。臭豆腐麻香十足，味道相當濃郁，正宗台灣風味。蚵仔煎外形有啲似蛋餅，入口煙煙韌韌，一點也不糊口。
火鍋配料方面，足足有成 30 款，另外亦有麵食和泡飯，全部都係任點任食，無限供應。要特別推介幾款台灣直送嘅配料，台灣玉米貢丸面頭黏滿粒粒粟米，用料十足，口感紮實 Q 彈。台灣蜂巢豆腐，豆香濃郁，一口咬下，比食神的爆漿瀨尿牛丸更爆漿！另外流心玉米球，味道亦唔錯，外層彈牙，中心則類似玉米濃湯，清甜綿香。
飲品方面，有雪梨雪耳杞子茶、黑糖珍珠奶茶、紫貝天葵、羅漢果菊花茶、時令滋補燉湯、竹蔗茅根可供選擇。竹蔗茅根清熱潤喉、紫貝天葵甘甜微酸，打完邊爐飲就最啱，可以幫助消化。
台式甜品有煉乳芋圓冰同密瓜冰，芋圓煙韌有彈性，芋頭味愈食愈出；哈密瓜甜美多汁，配上入口即溶的刨冰，口感有層次。
Post
