牛品台式火鍋

Open Now

Now Closed

前排朋友同我推介咗牛品，前幾日咁啱又凍咗少少，所以就即刻去試吓，今次揀咗牛御品吃到飽套餐，包括咗澳洲M9和牛肩胛肉、美國特級牛小排、美國頂級封門柳、海鮮、炸物、餃類等等，另外仲可以出去自助區拎嘢食，有多款火鍋食材同埋甜品飲品，自助區嘅位置好大，就算好多人都唔怕迫～湯底我哋揀咗沙茶海鮮鍋，飲落都幾濃郁好重沙茶味，啱晒唔食辣但重口味嘅朋友😆每款牛肉都幾高質，每一款都好薄，牛味濃郁食落軟腍，油脂分布都平均，自己最鍾意封門柳同埋肩胛肉🤤另外仲有好多台式小食可以嗌，有鹽酥雞、台灣腸、脆薯，仲有好多款水餃同埋蝦滑花枝滑可以揀，自助區亦有多款醬料、蔬菜、丸類同埋飲品，真係超級多嘢食～飲品款式亦都好多，有唔同嘅罐裝飲品、支裝茶飲，而且食牛品嘅晚市牛御品套餐會送春陽茶事嘅嘢飲🧋都真係幾抵最後當然要留肚食甜品，有Haagen Dazs雪糕任食同埋自家製甜品🍦仲可以DIY飄雪綿綿冰，喺芋圓吧自由加toppings /雪糕，任加唔嬲，真係幾正🍧