見到呢間台式火鍋 一人一鍋
入到去環境都闊落，坐得都算舒服
火鍋都有好多選擇下
最後揀咗一個酸菜魚鍋 一個巴辣烤魚鍋
酸菜魚鍋
賣相睇落都好吸引，舊魚應該係鯇魚嚟嘅，好多肉，有炸過，唔錯！
鍋入面仲有其他配菜，例如金菇、萵筍、豆腐、腸仔、娃娃菜、芽菜、木耳薯粉等等
每樣都有啲，其實都幾豐富
呢個價錢嚟講算抵食
我哋額外加咗鮑魚、蝦、炸薯仔、金菇、炸魚皮、豚肉片
要讚一讚嘅係一個鮑魚同埋炸薯仔
鮑魚刷得好乾淨，因為平時出街食係好黑下😂
炸薯仔好香口，浸下啲湯，好好食！
另外，仲叫咗幾款小食
酥炸花枝丸
呢個都幾好食，有6粒，份量都足夠
調味都OK！
麻辣炸雞翼
呢個唔算係好辣，有三隻
唔錯！
最後講埋飲品。
我飲嘅係芝士茶王8號
好飲！芝士充滿鹹香。
杯茶有得走冰，微甜，唔錯！
總括來講，呢間台式火鍋唔錯，性價比高
一人一鍋，一個人都可以嚟食👍🏻
