Read full review
2021-02-20
254 views
觀塘呢邊好多工業大廈，樓上有好多好嘢食咖，今次就搵咗工業大廈嘅樓上台灣菜試下。我哋叫咗一個椒鹽排骨肉燥飯，鹹酥雞肉燥乾拌麵，香酥腐皮蝦仁卷，甘梅蕃薯條，豆漿紅茶同豆漿綠茶。椒鹽排骨炸得十分香脆，咬落去肉質非常實淨，肉燥飯都好夠味，配埋呢度嘅秘製酸菜，送飯一流，滷水蛋都滷得非常入味！另一個鹹酥雞肉亦都炸得好脆，肉質嫩，咬落去好多肉汁，重口味配清淡嘅拌麵，一濃一淡啱啱好。小食都好出色，好有台灣風味，呢個香酥腐皮蝦仁卷，入邊用咗蝦膠，非常彈牙，加上仲有馬蹄，有啲爽脆嘅口感，正。不過我都係鍾意另一個番薯條多啲，首先用咗甜薯，就咁食落肚都已經甜甜地，好夠味，好開胃，如果加埋甘梅粉，鹹鹹地吊下味，又係另一種風味，唔使5分鐘已經食晒啦。呢度夠晒隱蔽，朋友一齊嚟坐低傾吓計，支持下同路人💛💛都係一個好好嘅選擇嚟㗎😚。
我哋叫咗一個椒鹽排骨肉燥飯，鹹酥雞肉燥乾拌麵，香酥腐皮蝦仁卷，甘梅蕃薯條，豆漿紅茶同豆漿綠茶。
椒鹽排骨炸得十分香脆，咬落去肉質非常實淨，肉燥飯都好夠味，配埋呢度嘅秘製酸菜，送飯一流，滷水蛋都滷得非常入味！
另一個鹹酥雞肉亦都炸得好脆，肉質嫩，咬落去好多肉汁，重口味配清淡嘅拌麵，一濃一淡啱啱好。
小食都好出色，好有台灣風味，呢個香酥腐皮蝦仁卷，入邊用咗蝦膠，非常彈牙，加上仲有馬蹄，有啲爽脆嘅口感，正。
不過我都係鍾意另一個番薯條多啲，首先用咗甜薯，就咁食落肚都已經甜甜地，好夠味，好開胃，如果加埋甘梅粉，鹹鹹地吊下味，又係另一種風味，唔使5分鐘已經食晒啦。
呢度夠晒隱蔽，朋友一齊嚟坐低傾吓計，支持下同路人💛💛都係一個好好嘅選擇嚟㗎😚。
Post
