Provence

同朋友去左觀塘OPC搵嘢食，門口侍應話佢哋呢間餐廳唔係成日開門，咁難得今日撞正佢開，所以決定試吓。

因為價錢都幾貴，我同朋友叫咗一份dinner set再散叫一個餸。

蛋香厚燒西班牙黑毛豬鞍，豬鞍厚肉又多汁，蛋香味濃仲有啲蜜糖喺面甜甜地幾好味，伴菜薯仔都好入味。

紅蝦油天使麵，顏色鮮艷賣相好靚，因為連d油都係蝦油，所以蝦味超香，另外兩隻大蝦肉幾鮮甜。

手搖檸檬茶唔使落糖水，見到佢臨尾加咗啲檸檬皮碎喺面令到杯飲品更香。