午市套餐揀咗識撈雙餸飯（炸芝士魚棒+柚子炸雞），覺得整體普普通通咁啦，特別係炸雞食唔出柚子味只係得辣味，對於食唔到辣既人黎講有啲handle唔到，唔知係俾錯另一款炸雞我定柚子炸雞本身係辣既呢？😞
而朋友揀咗好吃鹽酥雞扒飯，連埋三款味粉（海苔粉、梅子粉、七味粉）一併上枱，味道就不知如何了。但我加咗啲海苔粉落上面既炸芝士魚棒試吓味，覺得海苔粉味道偏淡。
不過值得一讚既係，餐飲杯凍檸檬桂花薏米特飲好好飲🌼，絕對會令人回味，挽回一些分數~ 不過建議揀凍飲，同行友人揀熱既覺得味道普通，可能凍既比較出色呢。
