Read full review
2023-01-14
1018 views
查實我就真係好少會寫正評不過我覺得寫呢間證明真係一啲都不為過。話說呢間都係舊同事推介，咁就做一個星期已經卜定。因為反正都唔知要食咩咁就叫咗個omakase串燒10串串燒+雞湯素麵/親子丼/燒飯團+芝麻/朱古力雪糕。10串入面最impressing係佢豬肉紫蘇卷同蘆筍佢個腦筍都幾揼本，批到入肉。所以食起上嚟唔會有渣。豬肉紫蘇卷出奇地好夾，因為佢係鹽串燒所以食起上嚟紫蘇嘅味濃加上豬肉少少鹹味就好balance另外基本上佢全部串燒我都覺得好好食正正就係因為佢啲串燒全部啱啱好熟啲肉個心就暖暖哋咁，所以食起上嚟唔會辣口又好juicy。可能個人口味唔同喇，從來食物都唔係越熱越好，一塊牛扒煎好rest完出嚟只係熱返少少畀你都唔係塊肉個心熱辣辣，overcooked亦都唔會係一件好。見佢啲嘢做得唔錯嘅時候就追加咗個串燒煙肉蛋，牛舌，銀杏串燒煙肉蛋燒好之後個心仲係流心嘅牛舌同銀杏都係燒到啱啱好好多汁。係，係連銀杏都係有汁大部分串燒店燒完出嚟嘅銀杏都係乾爭爭可能呢啲就係大家希望想要嘅熱辣辣啦但係可以燒到啱啱好熟而銀杏外面有少少焦香竟然咬落去會有汁嘅真係唔係度度都食到。兩個人食咗廿幾串嘢開埋支酒都係二千蚊落
查實我就真係好少會寫正評
不過我覺得寫呢間證明真係一啲都不為過。
話說呢間都係舊同事推介，
咁就做一個星期已經卜定。
因為反正都唔知要食咩咁就叫咗個omakase串燒
10串串燒+雞湯素麵/親子丼/燒飯團+芝麻/朱古力雪糕。
10串入面最impressing係佢豬肉紫蘇卷同蘆筍
佢個腦筍都幾揼本，批到入肉。
所以食起上嚟唔會有渣。
豬肉紫蘇卷出奇地好夾，
因為佢係鹽串燒所以食起上嚟
紫蘇嘅味濃加上豬肉少少鹹味就好balance
另外基本上佢全部串燒我都覺得好好食
正正就係因為佢啲串燒全部啱啱好熟
啲肉個心就暖暖哋咁，
所以食起上嚟唔會辣口又好juicy。
可能個人口味唔同喇，
從來食物都唔係越熱越好，
一塊牛扒煎好rest完出嚟
只係熱返少少畀你都唔係塊肉個心熱辣辣，
overcooked亦都唔會係一件好。
見佢啲嘢做得唔錯嘅時候
就追加咗個串燒煙肉蛋，牛舌，銀杏
串燒煙肉蛋燒好之後個心仲係流心嘅
牛舌同銀杏都係燒到啱啱好好多汁。
係，係連銀杏都係有汁
大部分串燒店燒完出嚟嘅銀杏都係乾爭爭
可能呢啲就係大家希望想要嘅熱辣辣啦
但係可以燒到啱啱好熟而銀杏外面有少少焦香
竟然咬落去會有汁嘅真係唔係度度都食到。
兩個人食咗廿幾串嘢開埋支酒都係二千蚊落樓。
係咪老實講個經理對於酒就唔係太熟。
不過服務方面就真係好好。
環境方面暗暗地同埋啲燈光都幾舒服
去摸下酒杯底食下串燒食少少嘢呢度真係一流。
不過如果話係週年紀念呀情人節呀呢啲嘅話
我就真係未必會揀佢。
呢個評分只係暫時，
因為我都未試得曬佢成個menu其他菜式。
大家如果想食好食啲嘅串燒
呢一間都係一個幾好嘅選擇
Post
