漁火嘅環境真係冇得彈！
裝修好有和風feel，坐得舒服又寬敞
乾淨又衛生，服務態度一流，店員好細心又快手
成日主動加茶換碟，招呼周到
漁火松茸養身鍋
-湯底超濃郁，滿口都係松茸嘅香氣
仲有紅棗同桂圓嘅甜味吊一吊
配埋蟲草花、羊肚菌同海鮮菇，成個湯鮮甜到不得了
唔講笑 飲左5大碗 超好飲 無味精
手切本地鲜牛颈脊
-睇見師傅即場手切就知新鮮
油脂分佈靚到好似雪花咁，淥熟之後食落超腍滑
牛味濃得嚟仲有陣陣油香，索咗湯底之後更鮮甜
椒鹽海中蝦
-椒鹽海中蝦炸得超香口！蝦殼脆到可以食埋
蝦肉依然爽彈鮮甜，椒鹽鹹香惹味到極
渔火特色四色丸
-每款都係手打 全部丸類都真材實料
食落彈牙到不得了 鮮蝦丸鮮味十足，墨魚丸香口
最驚喜係咸蛋豬肉丸，蛋黃流心超邪惡！
牛筋丸仲保持到潮式風味，咬落爆汁又夠嚼勁
蘇格蘭蟶子皇
-蟶子皇超大隻！肉質肥厚爽甜到極點，完全冇沙
簡單淥一淥就已經鮮味爆棚，正！
肥水大花甲
-花甲真係超大隻！肉厚冇沙，鮮甜到爆
淥完仲保持到嫩滑，正！
即炸鬆脆響鈴
-呢度嘅即炸響鈴真心無得彈！熱辣辣脆卜卜
咬落去 索 一聲超鬆化。浸落湯底三秒即刻撈起
半脆半軟索盡湯汁，正到痺！
絕對係打邊爐不可或缺嘅邪惡之選，encore再encore！
自家竹蔗茅根
-自家竹蔗茅根清甜潤喉，打邊爐飲一流！
真材實料，唔會死甜，解渴又降火，正！
1
