UCHI

六月的閒日下午約左朋友行街，行下行下去左將軍澳海濱，我地見到呢間新開Cafe環境好舒服，就入去食個Tea,咁岩有位可以坐係近窗榻榻米，望到出面園景，成個感覺都好舒服，好岩同朋友傾計。

因為我地食完午餐無耐，所以想食甜品，叫咗個黑糖珍珠奶蓋疏乎厘，成個擺碟都好精緻，疏乎厘好滑好彈，加埋黑糖同奶蓋好邪惡呀但係入口都品太甜，味道剛剛好。

仲叫咗個白玉焙茶戚風，一上枱又係非常吸引，我好鍾意食白玉呢的好煙韌嘅食物，而焙茶戚風嘅茶味都好出，又無茶苦澀味，好好食。

我地仲叫左杯桂花烏龍奶蓋茶，個杯都好靚好日本風，奶蓋屬於比較淡但好滑的質地，配埋烏龍茶的清香茶味剛剛好，唔會好滯。

雖然出邊落咗幾場過雲雨，餐廳靜靜的，我哋渡過左好愉快嘅下午。