可能新開張，服務員招待欣勤，經理推介片皮鴨靚，家人就再點咗幾款小菜。
北京片皮鴨
片皮鴨外皮燒得微焦，聞到香噴噴，一層麽麽，加入青瓜絲，京蔥絲，點埋海鮮醬，咬一口鴨片，肉汁在口腔 朗朗廈，滋味無窮。
片皮鴨還有2食，加$60
鴨肉炆茄子，啖啖鴨肉，配起茄子夠晒入味，這道菜真有獲氣，一般家庭較難做到咁美味。
黑松露蝦仁炒蛋
濃郁黑松露香味鋪滿碟滑蛋上，蝦仁大隻又幾爽口，啲蛋都算炒得好滑好食。
西班牙黑毛豬义燒皇
燒得微焦，薄薄的肥肉伴住，肉質結實又唔會靭，口感一流。
黑椒牛仔骨煲
上枱時熱騰騰，香氣撲鼻，牛仔骨夠晒淋滑，砂鍋上能保持道菜到尾唔會凍，家人大讚味道唔錯。
紫薯淮山浸菜苗
碟頭大賣相靚，這款菜能食到白，紫，綠三樣嘢，准山就最爽口，白菜仔好淋，不過紫薯就硬咗少少。不過味道清甜，好食。
最後吃埋個生果盤，這頓晚飯飽肚又滿足。
整體酒樓環境靚，食材新鮮，有時間再會與家人品嘗早茶吃點心。
