Read full review
2021-11-26
273 views
生日聚餐!🥳朋友之前食過話好食,所以今次特登嚟試吓,之前有打電話問有冇得訂位話冇。12:30pm鬆啲嚟到要等位,中間有人嚟話訂咗位,詢問下佢話早兩日有得訂返,😂等咗15分鐘左右都唔算好耐。基本上應該係坐樓上,但樓下廚房後邊都有位,咁一定係唔係咁好坐,但係午餐冇所謂,平日星期一至五只有指定午餐,冇其他嘢可以散叫,呢度彈性少咗啲,本身沙律同餐湯係要另加嘅,少少意見,如果可以upgrade加其他嘢食咁就好啦!唔使多幾款就得,例如窩夫或者薯條之類,因為有啲餐其實份量唔多,大胃口會有少少唔夠。🙈等位中已經係咁睇個餐牌同埋睇廚房出啲嘢食睇吓想食乜!🤪最後朋友就叫咗個油封鴨髀+沙律同湯,我就叫咗全日早餐配牛扒+湯(因為本身已經有沙律)朋友沙律先到,佢話好酸,湯就係蘑菇湯好一般,鴨髀佢俾咗少少我試,好食嘅,窩夫都好食,我嗰餐牛扒大大件整得都好食,牛扒嗰個沙律好好食喎,冇好酸。午餐唔貴可以一試,不過我哋決定下次星期六日先來,因為散叫款式多好多。😊
45 views
0 likes
0 comments
Post