Kim's Spoon (南豐中心) (Closed)

閏蜜聚餐就選址荃灣南豐中心既Kim’s spoon。Kim’s spoon 有好多分店，九龍新界都可以見其蹤影。我地book 左7點，黎到告知店員已訂座就帶我地去到餐廳內靠窗既位置，仲有街影睇下，都唔錯既。兩個人叫左個甜酸炸雞+牛肉石頭鍋飯，仲叫左支馬格利酒chill 下🍾🍾炸雞既甜酸醬略嫌不足，唔係每一塊炸雞都沾到醬，唔係太地道既韓式炸雞，正宗既係每塊都沾滿哂甜酸醬。牛肉石頭鍋飯反而有驚喜喎，有飯焦有飯焦有飯焦（超開心❤️），脆卟卟既飯焦有少少焦焦地既味道。石飯飯既配菜都唔少，滿滿一鍋，大滿足。叫左支馬格利酒仲配埋韓國傳統既碗俾你😂，飲個陣真係別有一番風味。