難得見有蠔食我地一行8人開開心心去試下啦～點知去到真心比個蠔字吸引中左伏！
1）湯—肉骨茶及羅宋湯 水汪汪都算但係個爐係暖而湯不是熱的。
2）冷盛—北海道長腳蟹，螺肉，海蝦，一見到成堆野時，你個大腦已自動叫呼你對腿不需要拿個度既野食，因為全部比你的感覺是很不新鮮，有點乾同「梅」的賣相。
3）期待的東南亞美食
喇沙湯係佢地餐廳既主打，真係咪玩我吧啦，個碗野，我真心飲落去都不知係咩黎，對比水汪汪的羅宋湯我覺得食羅宋湯湯榨會比較安心。
串燒乾過你荷包，咖哩雞都算是正常也沒有什麼特別。
4）蠔
我的想像是有個櫃位會放上一盆冰，而冰上會放有蠔的存在。
但原來是壽司位個度有個鬼鼠位置突見有長龍的時候就是有人回來拆蠔的時間。基本上我由8pm食到9:30見有條龍的時間有3次，分到10位左右每人2隻就會收檔了，有兩次我排到一次排不到。基本不是有朋友幫我排到一次，我只係食到4隻蠔。
5）甜品
這個位置是我最後的安慰，有我最喜歡的雪糕牌子個名你地自己上網睇好了，但我最討厭的就是佢個「雪糕剷」真心個刮完一放落去個小水杯後拿返上黎到下個人都會第一句講「好污糟」。我只是講左句好兒戲。其實水杯內放「雪糕剷」係正常，但你都為我地食既人諗下，好心得閒見到咁混濁嘅水你就幫手換換沖沖佢啦。
小蛋糕是ok 的，水果盆也完全沒問題。
