宅麵專門店 (Closed)

一心打算到九如坊另一所拉麵店開飯，可惜對方落場，又見肚餓，便退而求其次，幫襯呢間。點知就中伏。本身肚餓，對呢間野期望已經唔大。坐低無耐就叫左個咖哩拉麵。等左20分鐘，侍應話MISS左單，幫我追追，可惜再等多20分鐘，都唔見蹤影。同行朋友後落ORDER 既招牌拉麵在落單後大約15分鐘已到。真心懷疑廚房睇單黎做。講返朋友既拉麵，試左少少。唔覺得有咩特別。可能唔岩自己口味，覺得拉麵得好"清"既豬骨湯底，拉麵無"趙"口，味道單層次。以咁既價錢同腳程黎講，一啲都唔值。食完呢碗，放棄再等，賣單走人。唯一可取既係每枱都有水可以自己湛，唔使勞煩侍應。