Video
Read full review
2019-11-17
65 views
「過去十八歲沒戴錶，不過有時間。」要捉緊生活節奏，每一秒都係好珍貴，尤其是人愈黎愈大，每一朝起身望到鏡都會好驚，皺紋會唔會逐漸係皮膚深層醞釀緊。所以趁自己有本錢有時間，當然要搵更多好西出黎，而家唔食唔通老左周身病痛，到時你想食，醫生都唔比你食啦。今次我就同朋友一齊黎到旺角呢間新開既「深宵食堂」，佢地係銅鑼灣早就設有總店，而呢間旺角分店就係新裝修既「Ladder Dundas」。一落車就係，相當就腳。餐廳裝潢好新淨，天花佈置得幾有心思，有好多和式花花傘，另一邊仲有一排Figure，好切合返日本放工族收工黎食宵夜既情節。👇📌甲羅燒 - $78/1份👉黎到既時侯店員已分別將鵪鶉蛋、蟹膏、蟹肉、味噌攪勻再放係蟹蓋裡面，面頭上灑上蟹籽。甲羅燒賣相向來都好精緻，今次呢到多左少少玩法，係底層加左幾塊烘過既多士，比你一用做多士餡料，夾埋一齊食會更加惹味。咁就可以中和返蟹膏既濃味，相對唔會覺得偏鹹。📌一口牛 - $68/2串👉話明一口牛梗係要一啖一粒咁先過癮咖麻，呢到既牛肉燒得有焦香味，食落幾爽口，質感唔會過腍，證明火侯控制得唔錯。牛肉味適中，肉汁仲係返到，唔錯。📌燒羊柳 - $72/2串👉因為今次羊肉
尤其是人愈黎愈大，每一朝起身望到鏡都會好驚，皺紋會唔會逐漸係皮膚深層醞釀緊。
所以趁自己有本錢有時間，當然要搵更多好西出黎，而家唔食唔通老左周身病痛，到時你想食，
醫生都唔比你食啦。今次我就同朋友一齊黎到旺角呢間新開既「深宵食堂」，
佢地係銅鑼灣早就設有總店，而呢間旺角分店就係新裝修既「Ladder Dundas」。
一落車就係，相當就腳。餐廳裝潢好新淨，天花佈置得幾有心思，
有好多和式花花傘，另一邊仲有一排Figure，好切合返日本放工族收工黎食宵夜既情節。👇
📌甲羅燒 - $78/1份
👉黎到既時侯店員已分別將鵪鶉蛋、蟹膏、蟹肉、味噌攪勻再放係蟹蓋裡面，面頭上灑上蟹籽。
甲羅燒賣相向來都好精緻，今次呢到多左少少玩法，係底層加左幾塊烘過既多士，比你一用做多士餡料，
夾埋一齊食會更加惹味。咁就可以中和返蟹膏既濃味，相對唔會覺得偏鹹。
📌一口牛 - $68/2串
👉話明一口牛梗係要一啖一粒咁先過癮咖麻，呢到既牛肉燒得有焦香味，食落幾爽口，
質感唔會過腍，證明火侯控制得唔錯。牛肉味適中，肉汁仲係返到，唔錯。
📌燒羊柳 - $72/2串
👉因為今次羊肉串用既係羊柳部位，肉質明顯比平時食開更加嫩滑。
而羊肉味道唔算好羶，加埋必定既孜然粉組合相當夾。香濃既油香每一啖都非常邪惡！
📌名古屋雞翼 - $42
👉金黃色既外皮炸到脆卜卜，裡面雞肉仲夠哂多汁嫩滑，咬落唔會太乾身。
一份三隻，呢個價錢幾抵食。
📌辣酒煮蜆 - $68
👉話就話辣酒姐，辣味唔算太strong，其實食到既蒜蓉同牛油味比較濃郁，
蜆肉嘅份量反而相當多，相當滿意。
📌黑松露炒烏冬 - $58
👉一定要有一個主食再填飽下個胃既，呢個炒烏冬用既醬汁幾特別，
酸酸甜甜，撈埋本身面頭上既黑松露醬將整個香味帶出，食得過！
Post
